Пискаревский летописец
Видение Макария митропалита о опришни[не].
Не в кую нощную годину стояше святителю на обычной молитве и глагола великом гласом:
“Ох, мне, грешному, паче всех человек! Како мне видети сие! Грядет нечестие и разделение земли! Господи, пощади, пощади! Утали свой гнев! Аще не помилуеши ны за наши грехи, ино бы не при мне, по мне! Не дай, господи, видети сего!”
И слезы испущаше велии. И слышаше тогда его келейнику, некоему духовну и удивися сему, и помышляше в себе: “С кем глаголет?” И не виде никого же и удивися о сем.
И глагола ему духовно о сем:
“Грядет нечестие и кровоизлияние и разделение земли”.
И бысть тако. За много время до опришнины виде сие видение.
Того же году не в кое время послал царь и великий князь Иван Васильевич к отцу своему и богомольцу к Макарию митропалиту книги просити душеполезные. И Макарей прислаше ему погребален. И князь велики гневашеся на него тайно и рече ему: “Прислал еси ко мне погребален, а в наши царьские чертоги такие книги не вносятца”. И рече ему Макарей: “Аз, богомолец твой, послал спроста по твоему приказу, что еси велел прислати книгу душеполезную; и та всех полезнее: аще хто ея со внимание[м] почитает, и тот в веки не согрешит”.
О опришнине. Того же году попущением божием за грехи наши возъярися царь и великий князь Иван Васильевич всеа Русии на все православное християнство по злых людей совету Василия Михайлова Юрьева да Олексея Басманова и иных таких же, учиниша опришнину разделение земли и градом. И иных бояр и дворян, и детей боярских взяша в опришнину, а иным повеле быти в земских. А грады также раздели, и многих выслаша из городов, кои взял в оприш нину, и из во[т]чин и ис поместей старинных. А сам царь живя за Неглинною на Петровке. А ходиша и ездиша в черном и все люди опришницы, а в саадацех помяла. И бысть в людех нена висть на царя от всех людей. И биша ему челом и даша ему челобитную за руками о опришнине, что не достоит сему быти. И присташа ту лихия люди ненавистники добру сташа вадити великому князю на всех людей, а иныя по грехом словесы своими погибоша. Стали уклонятися [к] князю Володимеру Андреевичю. И потом большая беда зачалася.
О первой казни. Лета 7078 положил царь и великий князь опалу на многих людей и повеле их казнити розными казньми на Поганой луже. Поставиша стол, а на нем всякое оружие: топоры и сабли, и копия, ножи да котел на огне. А сам царь выехал, вооружася в доспехе и в шоломе и с копией, и повеле казнити дияка Ивана Висковатово по суставом резати, а Никиту Фуникова, дияка же, варом обварити; а иных многих розными муками казниша. И всех 120 человек убиша грех ради наших. Того же году преставися царица Марья Черкаска. И того году женися третьим браком, понял Собакину Васильеву дочерь.
О походе и о казни навгородцкой. Того же году ходил царь и великий князь Иван Василье вич всея Русии в Новгород гневом и многих людей Навгородцкия области казнил многими розноличными казньми: мечем, огнем и водою. И в полон велел имати и грабити всякое сокровище и божество: образы и книги, и колокола, и всякое церьковное строение. И оттоле пошол во Псков и хотел то же творити, казнити и грабити. И единаго уби игумена Корнилия Печерскаго да ке ларя. И прииде к Никуле уродивому. И рече ему Никуда: “Не замай, милухне, нас и не пробудет ти за нас! Поеди, милухне, ранее от нас опять. Не на чом ти бежати!” И в то время паде головной аргамак. И князь велики поеде вскоре и немного зла сотвори.
Лета 7081-го... То[го] же году о другой казни на Москве на площади у Пречисты[я] с). Положи царь опалу на многих людей, повелеша казнити на площади у Пречистый в Большом городе при себе боярина князя Петра Куракина, Протасия Юрьева, владыку наугородцкого, протопопа архагельского, Ивана Бутурлина, Никиту Бороздина, архимарита чюдовского [и] иных многих казниша; а главы их меташа по дворам к Мстисловскому ко князю Ивану, к митропалиту, Ивану Шереметеву, к Андрею Щелкалову и иным.
Лета 7092-го преставися царь и великий князь Иван Васильевич всеа Русии месяца марта в 19 день, с середы на четверг, за пять часов до вечера; а жил 54 лета; а положен во Архангеле, в пределе, на Москве. А жен было у него шесть: 1. царица Анастасея Романовна; 2. черкасково царица Марья; 3. Сабакиных; 4. Васильчиковых; 5. Колтовских; 6. Нагих.
источник: Полное собрание русских летописей, т. 34, М., 1978, стр. 31 - 220.